“Рома” ҳужумчиси Тэмми Абрахам Конференциялар лигасида тўққизинчи голини урди.
Ҳужумчи ярим финалнинг жавоб ўйинида “Лестер”га қарши баҳсда (1:0, биринчи бўлим) 11-дақиқада ярим ҳимоячи Лоренцо Пеллегринининг узатмасидан унумли фойдаланиб, ҳисобни очди.
Англиялик футболчи турнирдаги ўн иккинчи ўйинини ўтказмоқда ва шулардан еттитасида гол урган.
Унинг фақат икки нафар ҳамюрти еврокубокларда (саралаш ўйинларидан ташқари) 9 тадан кўпроқ гол уришга муваффақ бўлган: Алан Ширер (2004/05 йилги мавсумда УЕФА Кубогида 11 та гол) ва Стэн Боулс (1976/77 йилги мавсумда УЕФА Кубогида 11 та гол).
