“Брайтон” ўз ҳимоячиси Марк Кукуреллани 20 миллион еврога баҳолади. Футболчига Лондоннинг "Тоттенхэм" клуби фаол қизиқиш билдирмоқда.

"Шпорлар" бош мураббийи Антонио Конте ёзги мавсумда катта ўзгаришларни амалга оширмоқчи ва "Брайтон" ҳимоячиси Лондон клубининг трансфер мақсадларидан бири. Fichajes нашрининг ёзишича, трансфер 20 миллион еврога тушиши мумкин. "Тоттенхэм" бундай нархни анча фойдали деб ҳисоблайди.

Кукурелла ўтган йили “Хетафе”дан 18 миллион евро эвазига “Брайтон”га ўтганди. Жорий мавсумда футболчи АПЛда 32 та ўйинда майдонга тушиб, 1 та голга ассистентлик қилган.