"Арсенал" "Барселона" футболчиси Усмон Дембеленинг агентлари билан музокара ўтказди. Футболчи ҳалигача Каталония клуби билан шартномани узайтирмаган.
Усмон Дембеленинг келажаги ҳали ҳам номаълум. Футболчининг "Барселона" билан шартномаси шу йил якунига етади ва томонлар ҳалигача шартномани узайтириш борасида ўзаро келишувга эриша олишмаган.
Аввалроқ, футболчи билан «ПСЖ» ва «Манчестер Юнайтед» вакиллари боғлангани ҳақида маълумотлар пайдо бўлганди. Футболчи билан "Арсенал" ҳам музокаралар олиб борди, деб хабар бермоқда Football.london. Олиб борилган музокараларнинг натижаси ҳақида ҳозирча маълумот йўқ.
Дембеле жорий мавсумда Ла Лигада 18 та ўйинда майдонга тушиб, 1 та гол урди ва 11 та голли узатмани амалга оширди.
