Каталониянинг "Барселона" клуби келаси ёзда Англияни тарк этиб, Испания Ла Лигасига ўтишни истаётган "Манчестер Сити" ярим ҳимоячиси Бернарду Силвани сотиб олишга қарши эмас.

Mundo Deportivo журналисти Ферран Мартинеснинг фикрича, молиявий муаммолар туфайли "Барселона"га қиммат трансферни амалга ошириш қийин бўлади. Аммо ярим ҳимоячи Френки де Йонг билан алмашиш варинати ўрганилмоқда. Маълумотларга кўра, голландиялик футболчи топ-клубга ўтиш имкони пайдо бўлса, "Камп Ноу"ни тарк этишга тайёр.

Эслатиб ўтамиз, аввалроқ Бернарду Силва "Атлетико Мадрид"га ўтиши билан боғлиқ хабарлар тарқалган эди.