Мадриднинг “Атлетико” клуби ҳужумчиси Луис Суарес яна бир мавсумни Европа қитъасида ўтказиш ниятида.
Бироқ, журналист Жерар Ромеронинг ёзишича, уругвайлик футболчи “матрасчилар” билан ушбу мавсум охирида якунига етадиган шартномани узайтириш ниятида эмас.
Аввалроқ, Суарес МЛСга ўтиш билан бир неча бор боғланган, бироқ манбага кўра, футболчи яна бир мавсум Европада қолиш ниятида. Куни кеча уругвайлик футболчи каталониянинг "Барселона" клубига қайтишни хоҳлаётгани ҳақида миш-мишлар тарқалди.
35 ёшли Суарес Испания чемпионатининг жорий мавсумида 11 та гол урди ва 2 та голли узатмани амалга оширди.
