Суперлиганинг 7-туридан ўрин олган «Навбаҳор» - «Бунёдкор» (2:1) учрашувидан сўнг меҳмонлар устози Шуҳрат Мақсудов ўз фикрлари билан ўртоқлашди.
Наманганда ўйин доим шундай кескин руҳда ўтган. Мухлисларнинг қўллаб-қувватлаши жамоанинг асосий ютуқларидан бири дейиш мумкин. Бугун ҳам 27 мингга яқин ишқибоз ташриф буюрди. Тўғри ютқаздик, аммо ўйин дурангга мос эди. Учрашувдан сўнг футболчиларимга раҳмат айтдим. Бугун ёш ўйинчиларимиз хатога йўл қўйди. Лекин шу орқали улар ўсишга эришади. Эртанги кунга яхши тажриба олишмоқда.
Академиямиз Марказий Осиёдаги энг яхшиси. Тарбияланувчиларимизни биз ўйнатмасак улар йўқолиб кетади. Мен ҳам тайёр футболчи олиб натижа кўрсатишни истардим. Лекин биз бошқа йўлни танладик ва ҳомийимиз билдирган ишончни оқлаяпмиз. Аниқ биламанки, биз тўғри йўналишдамиз. Футболда ғалаба ва мағлубият ёнма-ён юради. Буни тўғри тушунишимиз керак. Болаларнинг келажаги бор. Фақат сабр, вақт ва ишонч керак.
%20%D1%83%D1%87%D1%80%D0%B0%D1%88%D1%83%D0%B2%D0%B8%D0%B4%D0%B0%D0%BD%20%D1%81%D1%9E%D0%BD%D0%B3%20%D0%BC%D0%B5%D2%B3%D0%BC%D0%BE%D0%BD%D0%BB%D0%B0%D1%80%20%D1%83%D1%81%D1%82%D0%BE%D0%B7%D0%B8%20%D0%A8%D1%83%D2%B3%D1%80%D0%B0%D1%82%20%D0%9C%D0%B0%D2%9B%D1%81%D1%83%D0%B4%D0%BE%D0%B2%20%D1%9E%D0%B7%20%D1%84%D0%B8%D0%BA%D1%80%D0%BB%D0%B0%D1%80%D0%B8%20%D0%B1%D0%B8%D0%BB%D0%B0%D0%BD%20%D1%9E%D1%80%D1%82%D0%BE%D2%9B%D0%BB%D0%B0%D1%88%D0%B4%D0%B8.&image=%2Fimages%2Fnews%2F%D0%9C%D0%B0%D2%9B%D1%81%D1%83%D0%B4%D0%BE%D0%B2.jpg&noparse=true){kind=link}