"Барселона" ҳимоячиси Дани Алвешнинг фикрича, "Реал" ҳужумчиси Карим Бензема "Олтин тўп"ни қўлга киритишга лойиқ.
Бразилиялик футболчининг айтишича, кўп нарса Чемпионлар лигаси финал учрашуви натижасига боғлиқ. Зеро, “Ливерпуль”да ҳам, “Манчестер Сити”да ҳам жаҳон футболидаги энг нуфузли индивидуал соврин учун курашда франциялик ҳужумчи билан рақобатлаша оладиган футболчилар бор.
"Бенземада "Олтин тўп"ни қўлга киритиш учун ҳамма нарса бор. Агар "Реал" Чемпионлар лигасида ғалаба қозона олса, Бензема бу совринга жиддий даъвогар бўлади. У бунга лойиқ, чунки у жорий мавсум "қаймоқранглилар"ни ҳақиқий етакчиси ҳисобланади", - дея Алвешнинг сўзларини келтиради Маrcа.
Жорий мавсумда 34 ёшли футболчи “қироллик клуби” сафида 43 та учрашувда 43 та гол ва 14 та голли узатмани амалга оширди. Чемпионлар лигасида ҳужумчи 11 учрашувда 15 бор рақиблар дарвозасини ишғол қилишга муваффақ бўлди ва турнирининг жорий мавсум тўпурари бўлишга яқин турибди.
