"Barselona" himoyachisi Dani Alveshning fikricha, "Real" hujumchisi Karim Benzema "Oltin to‘p"ni qo‘lga kiritishga loyiq.

Braziliyalik futbolchining aytishicha, ko‘p narsa Chempionlar ligasi final uchrashuvi natijasiga bog‘liq. Zero, “Liverpul”da ham, “Manchester Siti”da ham jahon futbolidagi eng nufuzli individual sovrin uchun kurashda fransiyalik hujumchi bilan raqobatlasha oladigan futbolchilar bor.

"Benzemada "Oltin to‘p"ni qo‘lga kiritish uchun hamma narsa bor. Agar "Real" Chempionlar ligasida g‘alaba qozona olsa, Benzema bu sovringa jiddiy da’vogar bo‘ladi. U bunga loyiq, chunki u joriy mavsum "qaymoqranglilar"ni haqiqiy yetakchisi hisoblanadi", - deya Alveshning so‘zlarini keltiradi Marca.

Joriy mavsumda 34 yoshli futbolchi “qirollik klubi” safida 43 ta uchrashuvda 43 ta gol va 14 ta golli uzatmani amalga oshirdi. Chempionlar ligasida hujumchi 11 uchrashuvda 15 bor raqiblar darvozasini ishg‘ol qilishga muvaffaq bo‘ldi va turnirining joriy mavsum to‘purari bo‘lishga yaqin turibdi.