“Кристал Пэлас” ҳужумчиси Уилфрид Заха Англия Премьер-лигасидан Испания Ла лигасига ўтиши мумкин. 29 ёшли ивуарлик ҳужумчи хизматларига "Севилья" қизиқиш билдирмоқда.

Fichajes нашрида хабар берилганидек, Андалусия клуби келишувни яқинлашиб келаётган ёзги трансфер ойнасида якунлаш ниятида. Африкалик футболчининг бозор қиймати Трансфермаркт томонидан 40 миллион еврога баҳоланган.

Заха "Кристал Пэлас" шарафини 2023 йилнинг ёзига қадар ҳимоя қилади. Англия Премьер-лигасининг жорий мавсумида Уилфрид 29 та учрашувда 12 та гол уришни уддалади.