Бруно Фернандеш «Брайтон»дан учралган мағлубият (0:4) учун мухлислардан узр сўради.
«Манчестер Юнайтед» АПЛнинг 36-турида мағлуб бўлди ва Чемпионлар лигасига йўлланма олиш имкониятидан маҳрум бўлди.
“Натижа кўп нарсадан далолат беради. Биз етарлича ўйин кўрсата олмадик, рақиб биздан устун келди. Уларда доим вариантлар бўлган, улар яхшироқ прессинг қилишган ва бу натижага лойиқ эдилар.
Деярли ҳамма нарса нотўғри кетди. Бу ўйин сифатига ҳам, жамоанинг табиатига ҳам тегишли. Улар ҳақли равишда ғалаба қозонишди.
Биз уялишимиз керак, чунки етарлича яхши ўйнамадик ва бундан ҳам яхшироқ ўйнашимиз керак эди», - дейди Бруно.
