"Аталанта" бош мураббийи Жан Пьер Гасперини келажаги ҳақидаги миш-мишларга изоҳ берди. Италиялик мутахассис жорий мавсум якунида клубни тарк этиши мумкинлигини инкор этмади.
«Мен бу клубни ва бу мухлисларни жуда яхши кўраман, мен ноябрь ойида шартнома имзолаганман, аммо ҳаммаси ўзгаргани аниқ. Менинг келажагим клуб қарорига боғлиқ. Агар улар мени қўллаб-қувватлашса, ишимни иштиёқ билан давом эттираман», - деди Гасперини "Специя" устидан қозонилган ғалабадан сўнг.
Эслатиб ўтамиз, жорий мавсум натижаларига кўра, "Аталанта" сўнгги уч йилда илк бор Чемпионлар лигаси гуруҳ босқичига чиқа олмади.
