"Манчестер Сити" бош мураббийи Хосеп Гвардиола АПЛнинг 36-турида "Ньюкасл" устидан қозонилган ғалаба (5:0) ҳақида фикр билдирди.
"Бу гўзал кун бўлди. Кимдир "Реал"га қарши ўйиндаги мағлубиятдан сўнг тикланишимизга шубҳа қилдими? Биз беш йилдан бери ҳар уч кунда ўйнаймиз. Агар кимдир бизга шубҳа қилса, улар шунчаки бу жамоани танимайдилар. Бу мен мураббийлик қилган энг яхши жамоалар бири», - деди Гвардиола Sky Sports билан суҳбатда.