Туриннинг “Ювентус” клуби ҳужумчиси Пауло Дибала ёзда “Интер”га ўтишга қарор қилди. Calciomercato хабарига кўра, аргентиналик ҳужумчи "нерадзуррилар"га ўтиш учун бошқа клубларининг бир қанча таклифларини рад этган.
Дибала аввалроқ "Ювентус" раҳбариятига клубда қолиш нияти йўқлигини билдирган эди. “Кекса синьора” форварднинг молиявий талабларини қондира олмади, шундан сўнг у жамоани ўзгартириш бўйича якуний қарорга келди.
Шу ҳафтанинг ўрталарида Дибала Италия кубоги финалида бўлажак жамоа билан тўқнаш келади.
