"Арсенал" ярим ҳимоячиси Мухаммад Эльнени "Арсенал" "Тоттенхэм"га қарши ўйинда ғалаба қозонишини айтди.
"Тоттенхэм"га қарши дерби қийин бўлади ва бизнинг мақсадимиз уларнинг стадионида ғалаба қозониш ва Чемпионлар лигасига йўл олишдир", дейди Эльнени.
Олдинроқ "Арсенал" ярим ҳимоячи билан шартномани узайтириш борасида музокараларни бошлагани ҳақида хабар берилганди.
“Тоттенхэм” – “Арсенал” ўйини 12 май, пайшанба куни бўлиб ўтади. Ҳар икки клуб келаси мавсумда Чемпионлар лигасида иштирок этишни кафолатлайдиган кучли тўртликдан жой олиш учун курашмоқда. “Арсенал” ҳозирда “Тоттенхэм”дан 4 очко олдинда.
