"Брайтон" бош мураббийи Грэм Поттер ёзда Антонио Контенинг ўрнига "Тоттенхэм" бош мураббийи бўлиши ҳақидаги хабарларни рад этди.
Поттер 2019 йилдан бери "Брайтон"ни бошқариб келади. Жорий мавсумда “Тоттенхэм” ва “Арсенал” устидан қозонилган ғалабалардан ташқари, Поттер жамоаси сўнгги турда “Манчестер Юнайтед”ни 4:0 ҳисобида мағлуб этди.
Аввалроқ, Поттер "шпорлар"нинг амалдаги бош мураббийи мавсум оралиғида "ПСЖ"га ўтса, "Тоттенхэм"ни бошқариши мумкинлиги ҳақида маълумотлар бор эди. Бироқ, Поттернинг "Брайтон" билан шартномаси яна уч йилга мўлжалланган ва мураббий ўтиш ҳақидаги маълумотни рад этди.
"Брайтон" ҳозирда Премер-лигада 9-ўринда бормоқда.
