“Боруссия Д” ҳужумчиси Эрлинг Холанд “Манчестер Сити” учун тиббий кўрикдан ўтди, деб хабар бермоқда таниқли инсайдер Фабрицио Романо.
Манбанинг маълум қилишича, “Манчестер Сити” Холанд трансферини шу ҳафтада расман эълон қилади.
Маълумотларга қараганда, форварднинг “шаҳарликлар” билан шартномаси 2027 йилнинг ярмигача амал қилади. Шартномага кўра 21 ёшли ҳужумчи ҳафтасига 375 минг фунт маош олади.
Шу кунга қадар норвегиялик “Боруссия Д” сафида 88 та учрашувда майдонга тушиб, жами 85 та гол ва 23 та ассист қайд этган.
