"Бавария" ярим ҳимоячиси Марк Рока фаолиятини "Барселона"да давом эттириши мумкин, деб хабар беради Испаниянинг Onze телеканали.
Манбага кўра, Серхио Бускетсга ўринбосар кўраётган футболчига "кўк-анорранглилар" бош мураббийи Хави Эрнандес шахсан қизиқмоқда. Каталония устози шу ёзда 34 ёшга тўлади, шу боис клуб унинг ўрнига футболчи қидирмоқда. Хави декабрь ойида Рока билан гаплашган. "Бавария" 10-15 миллион евро эвазига ҳимоячи билан хайрлашишга тайёр.
Рока немис грандига 2020 йилда "Эспаньол" клубидан 9 миллион евро эвазига кўчиб ўтган эди. Унинг шартномаси 2025 йилгача мўлжалланган.
Жорий мавсумда 25 ёшли испаниялик барча мусобақаларда 13 та ўйинда майдонга тушиб, гол ура олмади.
