SAPO Desporto Лондоннинг "Челси" клуби "Порту" ҳужумчиси Халкнинг трансфери борасида келишувга эришганини маълум қилмоқда.
Манбанинг маълумотларига кўра, Португалия чемпионатининг сўнгги турида "Риу Аве"га кечган ўйин (5:2) бразилиялик футболчи учун "Порту" футболкасида ўйналган сўнгги матч бўлди. Кейинги мавсумда Халк "Челси" сафида ҳаракат қилади.
Битим тафсилотлари ҳозирча ошкор этилмаяпти. Эслатиб ўтамиз, футболчининг португал клуби билан шартномаси 2016 йилгача имзоланган, товон пули эса 100 миллион евро атрофида қилиб белгиланган эди.













