Мадриднинг “Реал” клуби ҳужумчиси Карим Бензема Испания чемпионатида апрель ойининг энг яхши футболчиси деб топилди.
Франциялик ҳужумчи беш ўйинда тўртта гол урди ва “Реал”га муддатидан аввал Испания чемпионлигини қўлга киритишига ёрдам берди.
Соврин учун бошқа даъвогарлар орасида Пьер-Эмерик Обамеянг («Барселона»), Анте Будимир («Осасуна»), Борха Майорал («Хетафе»), Хосе Луис Моралес («Леванте»), Жоан Мохика («Эльче») ва Ведата Мурики («Мальорка») бор эди.
Умуман олганда, Бензема жорий мавсумда Ла Лигада 30 та ўйинда майдонга тушиб, 26 та гол урди ва 11 та голли узатмани амалга оширди.
