"Манчестер Юнайтед" ўз ҳимоячиси Аарон Ван-Биссаканинг келажаги борасида бир қарорга келди. Бу ҳақда UtdDistrict портали маълум қилмоқда.
Манбага кўра, "манкунианликлар" раҳбарияти 24 ёшли футболчи билан ҳамкорлик қилишдан манфаатдор эмас. “Қизил иблислар” ҳимоячини яқинлашиб келаётган трансфер ойнасида сотишга ҳаракат қилади.
Ван-Бисакининг “Манчестер Юнайтед” билан амалдаги шартномаси икки йилдан кейин якунига етади. Унинг трансфер нархи 30 миллион еврога баҳоланмоқда.
Аввалроқ ОАВ Аарон учун иккита вариант ҳақида хабар берган эди. Ҳимоячига "Рома" ва "Атлетико" клублари қизиқмоқда.