Испаниянинг 2021/2022-йилги мавсум 36-туридан ўрин олган “Сельта”га қарши ўйинда (3:1) мияси чайқалган “Барселона” ҳимоячиси Роналд Араухо шифохонани тарк этди, дея хабар бермоқда Каталония жамоаси матбуот хизмати.
Эслатиб ўтамиз, учрашувнинг иккинчи бўлимида Араухо Каталония жамоасидаги шериги Гави билан тўқнашиб қолганди. Футболчи ҳушини йўқотиб, тез ёрдам машинасида майдонни тарк этган.
Манбага кўра, Араухо тунни шифохонада шифокорлар назорати остида ўтказган, қўшимча текширувдан ўтган ва бугун, 11 май куни у ердан чиқарилган.
