Ispaniyaning 2021/2022-yilgi mavsum 36-turidan o‘rin olgan “Selta”ga qarshi o‘yinda (3:1) miyasi chayqalgan “Barselona” himoyachisi Ronald Arauxo shifoxonani tark etdi, deya xabar bermoqda Kataloniya jamoasi matbuot xizmati.
Eslatib o‘tamiz, uchrashuvning ikkinchi bo‘limida Arauxo Kataloniya jamoasidagi sherigi Gavi bilan to‘qnashib qolgandi. Futbolchi hushini yo‘qotib, tez yordam mashinasida maydonni tark etgan.
Manbaga ko‘ra, Arauxo tunni shifoxonada shifokorlar nazorati ostida o‘tkazgan, qo‘shimcha tekshiruvdan o‘tgan va bugun, 11 may kuni u yerdan chiqarilgan.
