"Ювентус" бош мураббийи Массимилиано Аллегри Италия кубоги финалида "Интер"га мағлуб бўлгач (2:4) энди футболчилар дам олишлари кераклигини таъкидлади.
“Биз бундан сабоқ оламиз. Афсуски, А Серияда ҳам бугунги оқшомда ҳам "Интер"ни мағлуб қила олмадик. Энди бу ҳақда гапиришдан маъно йўқ, фақат уларни, йигитларимни ва ҳакамни яхши ўйин билан табриклашим мумкин. Январь ойида жуда қийин кўринган А Серияда кучли тўртликдан жой олиш орқали маълум мақсадларга эришдик.
Энди йигитлар ёзда дам олишлари, куч йиғишлари ва кейинги мавсумда ғалаба қозонишга тайёр туришлари мумкин", - деди Аллегри.
