"Yuventus" bosh murabbiyi Massimiliano Allegri Italiya kubogi finalida "Inter"ga mag‘lub bo‘lgach (2:4) endi futbolchilar dam olishlari kerakligini ta’kidladi.

“Biz bundan saboq olamiz. Afsuski, A Seriyada ham bugungi oqshomda ham "Inter"ni mag‘lub qila olmadik. Endi bu haqda gapirishdan ma’no yo‘q, faqat ularni, yigitlarimni va hakamni yaxshi o‘yin bilan tabriklashim mumkin. Yanvar oyida juda qiyin ko‘ringan A Seriyada kuchli to‘rtlikdan joy olish orqali ma’lum maqsadlarga erishdik.
Endi yigitlar yozda dam olishlari, kuch yig‘ishlari va keyingi mavsumda g‘alaba qozonishga tayyor turishlari mumkin", - dedi Allegri.