“Рома” бош мураббийи Жозе Моуриньо “Манчестер Юнайтед” клубида ишлаган пайтида арманистонлик ярим ҳимоячи Генрих Мхитарян билан муносабатлари ҳақида гапирди.

«Манчестер Юнайтед»дагилар пессимистик бўлиб, Мхитаряннинг менинг қўл остимда имконияти бўлмаслигини айтишди. Агар бирор нарса нотўғри бўлса, Генрихнинг фаолияти ҳеч қачон яхши бўлмаслигини айтишганди. Мен аксини исботладим. Биз бир-биримизга жуда етук ва ҳалол эдик», — деди Моуриньо Sky Sport билан суҳбатда.

Мхитарян яқин кунларда клуб билан шартномасини узайтириш бўйича музокараларни бошлаши мумкин. 33 ёшли ярим ҳимоячи билан амалдаги келишув 2021/2022 йилги мавсум охиригача мўлжалланган. Манбага кўра, "бўрилар" раҳбарияти футболчининг эркин агент сифатида жамоани тарк этишини истамаяпти.

Олдинроқ томонлар шартномани бир йилга узайтиришга тайёр экани ҳақида хабарлар тарқалган эди. Мхитарянни "Рома"нинг амалдаги бош мураббийи Жозе Моуриньо жуда қадрлайди. Португалиялик мураббий ярим ҳимоячини жамоанинг асосий ўйинчиларидан бири деб билади.