"Барселона" ўз ярим ҳимоячиси Френки де Йонгнинг трансферидан қанча маблағ ишлаб олмоқчи эканлигини маълум қилди.
25 ёшли ярим ҳимоячига "Манчестер Юнайтед" қизиқиш билдирмоқда. Бир кун аввал инглиз клуби футболчини 70-80 миллион евро эвазига сотиб олиши ҳақида маълумот пайдо бўлганди.
Бироқ, Diario Sport нашри хабарига кўра, "кўк-анорранглилар" раҳбарияти нидерландиялик футболчининг трансферидан 100 миллион евро атрофида маблағ ишлаб олишни режалаштирмоқда.
"Барселона" Де Йонгни сотиш ниятида эмас. Футболчининг ўзи ҳам кетадиган кайфиятда эмас.
Бироқ, Каталония клуби раҳбарияти де Йонгнинг трансфери молиявий қийинчиликларга дуч келаётган клубга ёрдам бериши мумкинлигини айтишмоқда.
