Журналист Николо Скиранинг хабар беришича, "Аякс" вингери Антони "ПСЖ" нишонга тушган.
Манба берган хабарга кўра, парижликлар раҳбарияти ёш футболчини ёзда эркин агент сифатида жамоани тарк этадиган Анхель Ди Марияга ўринбосар сифатида кўрмоқда.
Аввалроқ футболчига "Барселона" ва "Бавария" клублари қизиқиш билдирганди.
Антони "Аякс"да 2020 йилдан бери тўп тепади. Унинг шартномаси 2025 йилгача мўлжалланган.
Жорий мавсумда 22 ёшли бразилиялик футболчи амстердамликлар сафида барча турнирлар доирасида 33 та ўйинда майдонга тушиб, 12 та гол ва 10 та голли узатмани амалга оширди. Трансфермаркт футболчини 35 миллион еврога баҳоламоқда.
