«Манчестер Сити» ярим ҳимоячиси Раҳим Стерлинг «Барселона»га ўтишга тайёр.

Каталония клуби қишда Ферран Торрес билан бирга футболчини ижарага олишга уриниб кўрди. «Сити» Стерлинг учун келишувга тўсқинлик қилди, аммо улар Торреснинг кетишига рухсат беришди.

Стерлингнинг «Манчестер Сити» билан шартномаси 2023 йилда якунига етади ва уни узайтириш бўйича музокаралар ҳали натижа бермаган.

Мавсумнинг кўп қисмида Стерлинг «шаҳарликлар» ўйинларини захира ўриндиғида бошлади ва футболчи фаолиятини бошқа клубда давом эттиришга тайёр. Улардан бири «Барселона».

Футболчи жорий мавсумда АПЛда 29 та ўйинда майдонга тушиб, 13 та гол урди ва 4 та голга ассистентлик қилди.