«Manchester Siti» yarim himoyachisi Rahim Sterling «Barselona»ga o‘tishga tayyor.
Kataloniya klubi qishda Ferran Torres bilan birga futbolchini ijaraga olishga urinib ko‘rdi. «Siti» Sterling uchun kelishuvga to‘sqinlik qildi, ammo ular Torresning ketishiga ruxsat berishdi.
Sterlingning «Manchester Siti» bilan shartnomasi 2023 yilda yakuniga yetadi va uni uzaytirish bo‘yicha muzokaralar hali natija bermagan.
Mavsumning ko‘p qismida Sterling «shaharliklar» o‘yinlarini zaxira o‘rindig‘ida boshladi va futbolchi faoliyatini boshqa klubda davom ettirishga tayyor. Ulardan biri «Barselona».
Futbolchi joriy mavsumda APLda 29 ta o‘yinda maydonga tushib, 13 ta gol urdi va 4 ta golga assistentlik qildi.
