Дортмунднинг “Боруссия” клуби ҳужумчиси Эрлинг Холанд жамоадаги сўнгги ўйин олдидан мухлислар билан хайрлашди.
Германия чемпионати 34-тури доирасидаги “Герта”га қарши ўйин бошланишидан олдин норвегиялик футболчи мухлисларга яқинлашиб, уларни олқишлади.
Холанд “Боруссия Дортмунд”га 2020 йилнинг январида келиб қўшилганди. 2021/22 йилги мавсумда форвард жамоа сафида 29 та ўйинда майдонга тушиб, 28 та гол урди ва 8 та голли узатмани амалга оширди.
2022/23 йилги мавсумдан бошлаб Холанд "Манчестер Сити"да ҳаракат қилади. Инглиз клуби 21 ёшли футболчи учун 75 миллион евро тўлайди.
