Мадриднинг “Атлетико” клуби жорий мавсум якунида испан жамоасини тарк этадиган уругвайлик Луис Суаресга ўринбосар қидирмоқда.
Todofichajes сўзларига кўра, “матрасчилар”нинг нишони Германия Бундеслигасида “Байер”да тўп тепаётган чехиялик ҳужумчи Патрик Шик бўлиб турибди.
Томонлар аллақачон дастлабки музокараларни олиб боришган. “Фармацевтлар” келишувни камида 55 миллион еврога баҳолаганликларини айтишди.
Патрик Германия чемпионати тўпурарлик пойгасида фақат Роберт Левандовскидан ортда қолиб, иккинчи ўринни эгаллаган. 26 ёшли чехиялик 27 ўйинда 24 та гол урган.
