"Манчестер Сити" 100 та гол урмаса ҳам АПЛда ғолиб чиқса Пеп Гвардиола бундан хурсанд бўлади.

"Манчестер Сити" ўз тарихида уч марта АПЛ ўйинларида 100 та гол уришга муваффақ бўлган. Бу биринчи марта 2013/14 йилги мавсумда содир бўлди, ўшанда жамоани Мануэль Пеллегрини бошқарганди. Ўшанда "Ман Сити" 102 та гол урган.

2017/18 йилги мавсумда Гвардиола бошчилигидаги жамоа АПЛда 106 та, 2019/20 йилги мавсумда эса 102 та гол уришга эришди.

“Премьер-лигада ғалаба қозониш муҳим. Агар 99 та гол уриб, АПЛда ғолиб чиқсак, ҳаммаси жойида бўлади. Чемпионлик энг муҳим ғалаба.

Биз 4 очко олишимиз керак, бироқ биз биринчи ва иккинчи ўйинда ҳам ғалаба қозониш учун ўйнаймиз, у ерда “Астон Вилла”ни ўз уйимизда қабул қиламиз ва барча чипталар сотилиб кетади. Уч очко ишлаб, чемпионликни қўлга киритишга ҳаракат қиламиз. Бу ҳозир бизнинг ягона мақсадимиз”, - деди “Манчестер Сити” устози.

Ҳозир жамоа Премьер-лигада 94 та гол урган. Унинг олдида яна иккита ўйин бор - "Вест Хэм" ва "Астон Вилла" жамоаларига қарши.