Кеча Косонсойдаги ўйингоҳда биринчи лиганинг дастлабки даврасидаги сўнгги учрашув - "Косонсой"-"Чуст-Пахтакор" баҳси бўлиб ўтди.
Мазкур учрашув "Наманган дерби"си бўлганлиги учун ўйинга бўлган қизиқиш юқори эди. Стадионга эса мингдан зиёд мухлис ташриф буюрди. Учрашувга тўхталадиган бўлсак, ўйин дерби номига муносиб тарзда ўтди.
Айниқса, баҳсли ҳолатлар кўп бўлди. Учрашув бош ҳаками Рустам Толибжонов футболчиларга оз эмас, кўп эмас 10 та сариқ карточка кўрсатишга мажбур бўлди.
Учрашувнинг 53-дақиқасида "Косонсой" футболчиси Бобур Каримовнинг киритган голи ўйиндаги ягона гол бўлиб қолди. Айтиш керакки, ушбу футболчи аввалги мавсумда "Чуст-Пахтакор"да тўп сурган эди.
Ушбу ғалабадан сўнг "Косонсой" 3-ўринни янада мустаҳкамлаган бўлса, чустликлар 4-ўринда қолишди. Якшанба куни Чустадаги ўйингоҳда мазкур жамоалар иккинчи давранинг илк ўйинида яна кураш олиб боришади.
«Косонсой»-«Чуст-Пахтакор»-1:0
Ҳакамлар: Р.Толибжонов (Фарғона), А.Ўринов (Фарғона), Ф.Хасанов (Наманган), Ш.Бозоров.
Гол: Б.Каримов (53).
"Косонсой": Аҳрор Алиев, Искандар Нарзуллаев, Нодир Адамхонов, Миржамол Жамолов, Алимардон Мирзаев, Сардор Сотиволдиев, Шерзод Мамасолиев (Бобурмирзо Каримов), Омил Мўминов, Анвар Сиддиқов, Илҳом Теляков (Жаҳонгир Давронов), Даврон Исоқов (Акрам Мухторов).
Огоҳлантиришлар: А.Мирзаев (15), И.Нарзуллаев (15), С.Сотволдиев (32), О.Мўминов (34), М.Жамолов (45+2), И.Теляков (80) – А.Раимжонов (15), М.Фозилов (15), Ш.Ҳамидов (45+2), М.Абдуллаев (90+2).
Назоратчи: А.Маражабов (Андижон).
Косонсой. 1211 томошабин.
