"Интер" ярим ҳимоячи Иван Перишич билан шартномани узайтириш бўйича навбатдаги йиғилиш ўтказди, бироқ бу икки томоннинг розилигига олиб келмади.
Милан клуби йилига 4,5 миллион ва икки мавсумлик шартнома таклиф қилмоқда. Бироқ футболчи 5 миллионлик шартномани талаб қилишда давом этмоқда.
Милан клуби раҳбарияти сўнгги йиғилишда шартларни ўзгартирмаслигини маълум қилди. Олдинроқ футболчи клубнинг жамоага керак бўлган футболчи билан музокараларни сусайтираётганини "ғайритабиий" деб ҳисоблашини айтганди.
Перишич жорий мавсум А Серияда 34 та ўйин ўтказиб, 7 та гол урди ва 7 та голли узатмани амалга оширди.
