Франкфуртнинг “Айнтрахт” клуби дарвозабони Кевин Трапп “Рейнжерс”га қарши Европа Лигаси финали ўйинидан аввал ўз фикрлари билан ўртоқлашди.
“Биз ўйин услуби ўхшаш иккита жамоани кўрамиз ва уларнинг ажойиб мухлислари қўллаб-қувватлаши билан ўйнайди. Бу энг қизиқарли финалларлан бири бўлади. Рақиб бизга қарши ўйнинда барча нарсани қийинлаштиришга ҳаракат қилишини биламиз.
Бу биз учун ўзгача мавсум, жамоа билан финалда ўйнашга лойиқ эдик. Албатта, энди биз катта орзумизни амалга оширишга умид қиламиз - кубокни уйга олиб келиш ва ғалабани мухлислар билан нишонлаш", - дея Траппнинг сўзларини келтиради УЕФА матбуот хизмати.
