Польша терма жамоаси бош мураббийи Чеслав Михневич ҳужумчи Роберт Левандовскининг келажаги ҳақида гапирди.
"Левандовски менга "Бавария"ни тарк этиши мумкинлигини айтди. Мен унинг "Барселона"га ўтишини истардим. Роберт менга кетиши эҳтимоли борлигини айтди. Мен унинг "Барселона"да бўлишини истардим", - дея Михневичнинг сўзларидан иқтибос келтиради Tuttomercatoweb.
33 ёшли Левандовски жорий мавсумда “Бавария” сафида барча турнирларда 46 та ўйинда майдонга тушди. У 50 та гол урди ва 7 та голли узатмани амалга оширди. Олдинроқ унинг "Барселона"га ўтиши мумкинлиги ҳақида маълумотлар пайдо бўлганди.
