"Ювентус"га ўтишга яқин турган аргентиналик вингер Анхель Ди Мариянинг "ПСЖ" мутасаддиларидан жаҳли чиққан, дея хабар берди Le Parisen.

Манбага кўра, футболчи клуб раҳбарияти у билан амалдаги шартномани яна 1 йилга узайтирилишини кутган. Бироқ, бундай бўлмади ва 34 ёшли Анхель катта эҳтимол билан ёзда "Юве" футболчисига айланади.

Олдинроқ, Ди Мария туринликлар билан 1+1 кўринишида шартнома имзолаши мумкинлиги ҳақида хабар берилганди.

У жорий мавсумда 30 та ўйинда майдонга тушиб, 4 та гол урди ва 8 та голли узатмани амалга оширди.