Германиянинг “Айнтрахт” клуби ярим ҳимоячиси Себастьян Роде Шотландиянинг “Рейнжерс” клубига қарши Европа лигаси финали олдидан ўтказилган матбуот анжуманида иштирок этди.
"Биз ўйиндан олдинги муҳитни иложи борича ўзимизга сингдирмоқчимиз. Бу клубимиз ва шаҳримиз тарихида, шунингдек, ҳар биримизнинг фаолиятимизда алоҳида лаҳза. Бу ниҳоятда муҳим кун.
Мен учун бу учрашув фаолиятимнинг чўққиси бўлади. "Вест Хэм" устидан қозонилган ғалабадан сўнг, бўлажак ўйин муҳимлигини тушунишимиз учун икки ҳафта вақтимиз бор эди. Кўчада ҳамма бу ўйин ҳақида гапириб, уйга кубок билан қайтишимизга умид билдиришмоқда. Муҳим учрашувда барчамизни шундай финал кутиб туришига ҳатто ишонгим келмаяпти», - дея Роде УEФА расмий сайтига.
