Италиянинг “Милан” клуби ярим ҳимоячиси, жароҳати туфайли бу йилги мавсумнинг кўп қисмини ўтказиб юборган Женнаро Гаттузо ўз фаолиятини осиёда, аниқроғи Хитой ёки БАА чемпионатларида давом эттириши мумкин.
Мавсум якунига етгач. эркин агентга айланадиган Гаттузога Хитойнинг бир нечта клубидан ва Дубайнинг номи сир тутилаётган бир клубидан қулай таклиф келиб тушган.
34 ёшли футболчига Италиянинг “Женоа” клубидан, ҳамда сўнгги пайтларда жиддий молиявий инқирозларни бошдан кечираётган унинг собиқ клуби “Глазго Рейнжерс”дан ҳам таклиф бўлган. Гаттузонинг ўзи ҳам, лозим бўлса собиқ клубига ёрдамга боришга тайёр эканлигини айтиб ўтганди.
Аммо Хитой ва БАА клубидан бўлаётган, молиявий жиҳатдан анча қулай таклифлар Гаттузони анча иккилантириб қўйган. Маълумотларга кўра, италиялик собиқ жаҳон чемпиони ҳозирда ўша вариантларни ўрганиб чиқмоқда.
