Бразилиянинг "Сантос" клуби ҳужумчиси Неймар журналистларга берган интервьюси чоғида қачондир Европада тўп суриши хусусида гапириб ўтди.

"Мен учун Пеле ўйнаб кетган "Сантос"нинг бир бўлаги бўлиш шараф. Келажагимга келсак, қачондир барибир Европада ўйнайман. Тўғри, бу "Барселона" бўладими ёки бошқа клуб, лекин Европага боришим тайин. Бироқ айни пайтда ўзимни "Сантос"да аъло даражада ҳис қиляпман. Бу менинг уйим", дейди футболчи.

Эслатиб ўтамиз, мазкур футболчига Испаниянинг бир йўла икки гранд жамоаси Мадриднинг "Реал" ва Каталониянинг "Барселона" клублари узоқ вақтда буён қизиқию келади.