Мадриднинг “Реал” клуби собиқ бош мураббийи, ҳозирда Италиянинг “Рома” клубида фаолият кўрсатаётган португалиялик мураббий Жозе Моуриньо журналистнинг “Барселона”га келиши мумкинлиги ҳақидаги саволига жавоб берди.
"Ҳеч қачон. Улар мендан ўша ўтиш давридаги жамоадаги вазиятни таҳлил қилишимни сўрашди. Мендан буни сўраган одам клубда юқори мартабали киши эди. Мен таҳлил қилиб бергандим, лекин бошқа ҳеч нарса йўқ. Кейин, бахтимга, ҳамма нарса ўз йўлига тушди” - деди Моурино Movistar+ нашрига.
Моуриньо бош мураббий Франк Райкаард кетганидан кейин Каталония клубида ишлашга яқин қолгани хабар қилинганди. "Барселона" тажрибасиз Хосеп Гвардиолага таянди, португалиялик эса бир неча йил ўтиб "Реал"ни қабул қилиб олди.
