"Манчестер Юнайтед" "Барселона" ярим ҳимоячиси Френки де Йонг учун ортиқча пул тўламоқчи эмас.

Каталония клуби ярим ҳимоячининг трансферидан 65 миллион фунт (тахминан 75 миллион евро) ишлаб олмоқчи. Чунки, 2019 йилда "Барселона" де Йонгни "Аякс"дан шунча суммага сотиб олган.

Бироқ Daily Mail хабарига кўра, "Манчестер Юнайтед" "Барселона" ва де Йонг вакилларига бу суммани тўлай олмаслигини айтган, чунки бу сумма клубнинг ёзги трансфер бюджетининг катта қисмини ташкил қилади.

25 ёшли ярим ҳимоячи жорий мавсумда Каталония клуби сафида 46 та ўйинда майдонга тушиб, 4 та гол урди ва 5 та голли узатмани амалга оширди.