«ПСЖ» ҳужумчи Килиан Мбаппега клубнинг спорт фаолиятини тўлиқ назорат қилишни таклиф қилиб, уни ўз сафида сақлаб қолишга ҳаракат қилди.
Клуб франциялик футболчини тарк этмасликка ишонтириш мақсадида унга ажойиб таклиф билан чиқди. «ПСЖ» президенти Носир Ал-Хелайфи Мбаппени келаси мавсумдан бошлаб «лойиҳа эгаси»га айлантириш, унга бош мураббийларни танлаш ва ишдан бўшатиш, шунингдек, футболчиларни сотиб олиш ва сотиш ваколатларини беришни таклиф қилди.
Sky Sports хабарига кўра, клуб бундан ташқари, футболчига ойига 5 миллион евро маош таклиф қилган, шунингдек, 120 миллион кўтарма пули ҳам таклиф қилган.
Мбаппе ҳозирги бош мураббий Маурисио Почеттинонинг келажагини танлаши ва трансфер сиёсати масалаларини ҳал қилиши мумкин.
Бироқ, катта эҳтимол билан ҳужумчи фаолиятини "Реал"да давом эттиради. Мбаппе келажаги ҳақида терма жамоалар ўйинлари олдидан маълум қилади.
