"Барселона" бош мураббийи Хави "Бавария" ҳужумчиси Роберт Левандовски билан икки марта гаплашган, дея хабар беради журналист Фабрицио Романо.
Манба берган хабарга кўра, мутахассис ҳужумчи билан Каталония клубига ўтиш имкониятини муҳокама қилган.
Кеча, 18 май куни “Барселона” Левандовскига 2025 йилнинг июни охиригача шартнома таклиф қилгани хабар қилинганди. Польяк таклиф қилинган шартларга рози, энди испан клуби "Бавария" билан трансфер борасида келишувга эришиши керак.
2021/22 йилги мавсумда Левандовски "Бавария" таркибида 46 ўйинда 50 та гол урди ва 7 та голли узатмани амалга оширди.
