"Манчестер Сити" ҳимоячиси Жон Стоунс жароҳатидан фориғ бўлганини ва клуб билан машғулотларни давом эттираётганини тасдиқлади.
Бу ҳақда инглиз ўзининг ижтимоий тармоқларида маълум қилди.
«Майдонга қайтганимдан ва йигитлар билан яна машғулот ўтказганимдан жуда хурсандман. Биз тайёр бўлишимиз керак, чунки бу ҳафта охири бизни катта ўйин кутмоқда», - деб ёзди Стоунс ижтимоий тармоқда.
Эслатиб ўтамиз, яна бир ҳимоячи Кайл Уокер ҳам "Манчестер Сити" машғулотларига қайтди. Ҳар иккисининг ҳам Англия чемпионатининг сўнгги турида "Астон Вилла"га қарши ўйинда иштирок этиши сўроқ остида.
