Лондоннинг "Челси" клуби ҳимоячиси Давид Луиз 19 май куни бўлиб ўтадиган ЕЧЛ финалида жамоаси "Бавария"га қарши майдонга ташишидан хурсанд эканлигини яширмаяпти.

"Болалигимдан чемпионлар Лигасида ўйнашни орзу қилганман, мана, шанба куни орзуларимдан бири ушалмоқда. Бутун жаҳон бу ўйинни юрак ютиб томоша қилади. Ота-онам мени қўллаб-қувватлаш учун келишади ва улар шундай лаҳзаларда ёнимда бўлишидан бахтлиман.

Мен учун бу алоҳида аҳамиятга эга, фанатлар учун ҳам, умуман айтганда, бу ўйин бутун дунёнинг бош ўйини ҳисобланади, умид қиламанки учрашувда ғолиб чиқамиз", — деди Давид Луис "Челси" расмий сайтига берган интервьюсида.