“Манчестер Сити” ярим ҳимоячиси Кевин де Брюйне клубнинг мавсумдаги энг яхши футболчиси совринини олди.
Бу соврин бельгиялик учун фаолиятидаги кетма-кет иккинчиси бўлди, чунки роппа-роса бир йил аввал ҳам мавсумнинг энг яхши футболчиси сифатида эътироф этилганди.
Эслатиб ўтамиз, жорий мавсумда Де Брюйне "Манчестер Сити"га Чемпионлар лигаси ярим финалига чиқиш ва АПЛ чемпионлиги учун курашда ёрдам берди. Якшанба куни ўз уйида "Вест Хэм"ни мағлуб этишса, "шаҳарликлар" яна бир бор турнирнинг олтин медалини қўлга киритишлари мумкин.
Де Брюйне 2015 йилнинг ёзида Германиянинг "Вольфсбург" жамоасидан тахминан 55 миллион евро эвазига "Манчестер Сити"га ўтган эди.
Жорий мавсумда бельгиялик футболчи АПЛда 15 та гол урди ва 7 та голли узатмани амалга оширди.
