Туркиялик тажрибали яримҳимоячи Эмре Белезўғлу ёзда Испаниянинг "Атлетико" клубига кўчиб ўтиши мумкин. Футболчи эркин агент сифатида Мадридга ташриф буюриши кутилмоқда.

Эмре ирқчилик билан боғлиқ жанжалларга аралашиб қолгани боис ортиқ Туркияда қолишни истамаётганини бир неча маротаба таъкидлаб келаётганди. Эслатиб ўтамиз, футболчи "Трабзоспор"нинг ивуарлик ҳужумчиси Дидье Зокорани ҳақорат қилгани учун жаҳога тортилганди.

Турк матбуотининг хабар беришича, "Интер" ва "Ньюкасл" жамоаларининг собиқ футболчиси шу кунларда "матрасчилар" билан шартнома имзолаши мумкин.