Ҳужумчи Роберт Левандовски ёзда “Бавария”ни тарк этишга яқин турибди. Sport1.de сайтининг хабарига кўра, польшалик тўпурарнинг рафиқаси Анна ўз оиласи учун янги мамлакат танлашга қарор қилган.
Манбага кўра, Робертнинг турмуш ўртоғи Испанияга кўчиб ўтмоқчи. Испанияда "Барселона" Левандовскига доимий равишда қизиқиш билдирмоқда. Анна Каталонияда ҳаётининг янги босқичини бошламоқчи.
Левандовскида фаолиятини Англия чемпионатида давом эттириш имконияти ҳам бор, бироқ унинг рафиқаси Туманли Альбионга ўтишга мутлақо қарши.
Робертнинг "Бавария" билан амалдаги шартномаси 2022/2023 йилги мавсум охирида якунига этади.
