Мадриднинг “Реал” клуби бош мураббийи Карло Анчелотти ҳужумчи Гарет Бэйл Ла Лиганинг 38-туридан ўрин олган “Бетис”га (0:0) қарши ўйинни нима учун ўтказиб юборганига изоҳ берди.
Жорий мавсумда 32 ёшли уэльслик футболчи мадридликлар сафида 7та ўйинда қатнашиб, битта гол урди. Унинг клуб билан шартномаси 2022 йилнинг 30 июнига қадар мўлжалланган.
"Бэйл "Бетис"га қарши ўйнаб, мухлислар билан хайрлашмоқчи эди, лекин ўзини яхши ҳис қилмади", - дея Анчелотти сўзларини келтиради Marca.
“Гаретда охирги имконият бор. У Чемпионлар лигаси финалига қадар тузалиб кетади".
